د ملګرتيا لپاره چينايي ټولنه یا (Chinese Association for Friendship (CAF له لوري د ډسمبر میاشتې پر پېنځمه نېټه په بېجېنګ کې د Jointly Combating Terrorism and Safeguarding Regional Security (له ترهګرۍ سره ګډه مبارزه او د سيمه ييز امنيت ساتنه) تر سرلیک لاندې سمپوزيم ترسره شو. یاد سمپوزيم کې د ستراتيژيکو او سيمه ييزو څېړنو مرکز د رهبري بورډ غړي وحيدالله مصلح د CSRS په استازیتوب برخه واخیسته.
په سمپوزيم کې د وحيدالله مصلح د ليکنې عنوان (افغان سولې خبرې اترې؛ هيلې او انګېرنې!) وو، په دې ليکنې کې لاندې بحثونه ترسره شول:
- ملي ګټې او پر امريکا باور!
- افغان حکومت؛ د سولې اراده او خڼدونه
- طالبان؛ سوله او ابهامونه
- طالبان؛ نظرياتي تحريک او ملي اډانه
- که طالبان او حکومت خبرې ونه کړي؟
د سږني سمپوزيم ګډونوال له درېيو هيوادونو افغانستان، چين او پاکستان څخه رابلل شوي وو، د سمپوزيم تسهيل او مشري CAF کوله.
له اجنډا سره سم د پروګرام تر رسمي پیل کېدو وړاندې د CAF مشر ښاغلي (چين زيمين) له ګډون والو سره تعارفي ناسته درلوده او نېکې هيلې سره تبادله شوې.
ورپسې سمپوزيم په رسمي ډول د چين، افغانستان او پاکستان د پلاوو د مشرانو له خوا په پرانېستونکو خبرو سره پرانستل شو. د سمپوزيم لومړی محور (په سيمه کې اوسني تروريستي ګواښونه او ميلانونه) وو، په دې برخه کې د چين، افغانستان او پاکستان څلورو ويناوالو خبرې وکړې.
دويم محور (له تروريستي ګواښونو سره په مبارزه کې د چين، افغانستان او پاکستان جلا جلا اقدامات) وو، په دې برخه کې شپږو ويناوالو خبرې وکړې.
وروستی او درېيم محور (له تروريستي ګواښونو سره په مبارزه کې د درې اړخيزو همکاريو د تقويه کولو لارې چارې) په اړه وو، په دې برخه کې شپږو ويناوالو خبرې وکړې.
د پروګرام په پای کې د هر پلاوي مشر د پروګرام لنډیز وړاندې کړ، او د ورځې په پای کې ټولو برخوالو د CAF د رئيس له خوا په جوړې شوې ماښامنۍ کې برخه واخېسته.
Your point of view caught my eye and was very interesting. Thanks. I have a question for you.