تحلیل هفته PDF

د افغانستان له اوسني وضعیت څخه د وتلو لپاره قطر ته د امیر خان متقي سفر د اسلامي امارت د پراخو هڅو څرګندونه کوي. دا سفر، چې د نړیوالو بندیزونو او بشري بحرانونو په شرایطو کې ترسره شو، په مختلفو برخو کې په مهمو مسلو تمرکز وکړ لکه سیاسي تعاملات، اقتصادي ملاتړ او بشري مرستې. اسلامي امارت د قطر له چارواکو سره په سیاسي او اقتصادي برخو کې د لیدنو په کولو سره هڅه وکړه چې په نړیواله کچه خپل مشروعیت زیات کړي او د منځګړي او ستراتیژیک ملګري په توګه د قطر رول پیاوړی کړي. په دې برخه کې، اسلامي امارت هڅه کوي چې اقتصادي اړیکې پیاوړې کړي، بهرنۍ پانګونې راجلب کړي او سوداګریز تعاملات پراخ کړي. که څه هم ډیر خنډونه لا هم شته دي.

د پهلګام وروستۍ پېښه د هند او پاکستان ترمنځ د کړکيچ د زياتېدو لامل شوې ده، چې له امله يې هند د انډوس د اوبو تړون او پاکستان د شملې تړون ځنډولی دی، همدارنګه دواړو لوريو د يو او بل وګړو ته د وتلو امر کړی، دواړو لوريو د يو او بل په سفارتونو کې د ډيپلوماتانو د کمولو امر کړی دی.

کله چې ټرمپ د ۲۰۱۸ کال په می کې له برجام تړون څخه ووت، هغه د بیا خبرو اترو مسله راپورته کړه، او د ایران له اسلامي جمهوریت څخه یې وغوښتل چې له واشنګټن سره یو نوی تړون وکړي. له هغه وخت راهیسې، ټرمپ ګواښ کړی چې که ایران له نوي تړون سره موافقه ونه کړي، نو د اسلامي جمهوریت پر وړاندې به پوځي ځواک وکاروي.