د ستراتېژيکو او سیمه ییزو څېړنو مرکز او د التقوی د لوړو زده کړو خصوصي مؤسسې ترمنځ د دوه اړخیزو همکاریو پر بنیاد د CSRS رئیس ښاغلي نصیر احمد نویدي او د یادې مؤسسې رئیس ښاغلي عبداللطیف مل لخوا هوکړه لیک لاسلیک شو. پر همدې مناسبت جوړې شوې ناسته کې د CSRS رئیس ښاغلي نصیر احمد نویدي د مرکز په څېړنیزو کارونو او فعالیتونو لنډه رڼا واچوله. له هغې وروسته د التقوی لوړو زده کړو مؤسسې رئیس ښاغلي عبداللطیف مل د CSRS فعالیتونو په اړه خوښي وښوده او هېواد د اوسني بحران څخه ویستلو په برخه کې یې د څېړنې او تحقیق په رول ارزښتناکې خبرې وکړې. دواړو لوریو د شته امکاناتو په لړ کې د تحقیق او څېړنې په برخه کې د دوه اړخیزو همکاریو په پار د هر ډول همکاریو ژمنې ترسره کړې. په دغه ناسته کې د دواړو لوریو مشرتابه پرته د التقوی پوهتون د بهرنیو اړیکو مسؤل اختر جان عاطف، د تضمین کیفیت آمر نقیب الله مطمئن او د CSRS اجرايي مدیر امان الله تاند هم ګډون کړی وو.
دوه اړخیزو همکاریو په پار هوکړه لیک لاسلیک شو