د ستراتېژیکو او سیمه ییزو څېړنو مرکز (CSRS) د رئیس دکتور مصباح الله عبدالباقي په مشرۍ د مرکز یوه پلاوي ترکیې هېواد ته د یوه رسمي سفر پر مهال د هغه هېواد د یو شمېر څېړنیزو مرکزونو په علمي کنفرانسونو او سیمینارونو کې ګډون ویناوې وکړې.
د دغو کنفرانسونو له جملې یو یې د ستراتېژیک تفکر انستیتوت (SDE) څېړنیز مرکز علمي سیمینار و، چې د ترکیې په انقره ښار کې جوړ شوی و او پکې د ستراتژېژیکو او سیمه ییزو څېړنو مرکز پلاوي ګډون او ویناوې وکړې.
همدا راز د سپټمبر په ۱۲مه (۲۰۲۱م) د ستراتېژیکو او سیمه ییزو څېړنو مرکز پلاوي په استانبول ښار کې د ترکیې د سیاسي څېړنو مرکز (BARQ) له لوري په جوړ شوي کنفرانس کې ګډون او ویناوې وکړې. دغه کنفرانس په افغانستان کې د طالبانو د واک ته رسېدو پر موضوع جوړ شوی و. د ستراتېژیکو او سیمه ییزو څېړنو مرکز رئیس دکتور مصباح الله عبدالباقي د خپلې وینا په یوه برخه کې پر راتلونکو ننګونو او دغو ننګونو ته پر شته حل لارو بحث وکړ. دغه راز د دغې غونډې په یوه څنډه کې د CSRS او BARQ څېړنیزو مرکزونو ترمنځ د دوه اړخیزو همکاریو تفاهمنامه هم لاسلیک شوه.
د دې ترڅنګ د ستراتېژیکو او سیمه ییزو څېړنو مرکز پلاوي د نورو څېړنیزو مراکزو له لوري په ګڼ شمېر جوړو شوو علمي غونډو او سیمینارونو کې ګډون او ویناوې وکړې.
پای